† Albert Ginzinger

En la cantina ad Amsteg regorda in pitschen altar a l’Austriac Albert Ginzinger, disgrazià mortalmain en il tunnel.

Laschar ir video «Albert Ginzinger»

Albert Ginzinger

3:17 min, dals 17.5.2016

Davant quel altar stat ses collega Herbert Brandstätter: «Jau hai survegnì in func ch’in cumpel saja grategià sut il tambur da cabels. Tgi che quai era, hai jau vis pir al lieu da l’accident.»

Avant che vegnir en Svizra, ha il maschinist da Mautendorf en l’Austria lavurà en sia patria – dapertut nua ch’i deva lavur. «Ses collegas han intimà el dad ir en Svizra» di sia mamma Katharina. «Els han ditg ad el, ti gudognas qua memia pauc, ti es bler memia bun, ed uss guarda che ti gudognias dapli, lura pos spargnar insatge per tes figl u perfin construir ina chasa.»

Cur che Albert Ginzinger è arrivà 2001 ad Amsteg, vegnivan gist montadas las grondas maschinas da perfurar tunnels. Grazia a quellas è la lavur en il tunnel oz bler pli segira. Ils 11 da settember 2003 è lura capità l‘accident. Herbert Brandstätter: «Ils umens eran tuts sfinids. Mintga di èn ins ensemen e tuttina schabegia insatge uschè terribel.»