† Andrea Astorino

Il Talian Andrea Astorino, 31, era il sulegl dal tunnel. In collega amicabel ed apprezià. Cur ch’el è sa disgrazià il venderdi, ils 21 da schaner 2005, ensemen cun Salvatore di Benedetto en il sectur da tunnel Bodio, era sia dunna Tania en speranza. 4 mais pli tard è naschì ses figl Davide.

Laschar ir video «Andrea Astorino»

Andrea Astorino

3:09 min, dals 17.5.2016

«Jau na sai betg, co jau fiss vegnida a frida, sche jau na fiss betg stada en speranza», di sia dunna Tania en sia chasa a Riva San Vitale (TI). «Cun l’uffant è turnada la vita tar mai. E tuttina: Andrea ma manca. Tut quai che nus avessan pudì far ensemen manca a mai.»

Per las famiglias dad Andrea Astorini e Salvatore di Benedetto entschaiva suenter l’accident ina procedura giudiziala demoralisanta davart las raschuns e la culpa da l’accident tragic. 2011 decida il Tribunal federal svizzer sco davosa instanza ch’ina cumbinaziun da circumstanzas disgraziadas haja chaschunà l’accident.