† Andreas Reichhardt

«Tut dat engiu. Quai è la gravitaziun. E sch’els laschan crudar si qua senza vulair in martè u in crap, lura croda‘l. E lura… è la speranza pli gronda che la cardientscha.»

Laschar ir video «Andreas Reichardt»

Andreas Reichardt

3:29 min, dals 17.5.2016

Andreas Reichardt (33) era conscient dals ristgs da sia lavur a Sedrun. Curt avant sia mort ha el ditg en in’intervista cun la televisiun davart ils privels en la gallaria : «Tut dat engiu. Quai è la gravitaziun. E sch’els laschan crudar si qua senza vulair in martè u in crap, lura croda‘l. E lura… è la speranza pli gronda che la cardientscha.»

Ils 8 da zercladur 2000 croda in’asta da perfurar da 40 kilos or da la sadella da material 700 meters en la profunditad e mazza in um maridà e bab d’in figl da trais onns. L’emprima unfrenda dal tunnel da basa dal Gottard.

Ses ami e quinà Stephan Dähne steva dasper el cur che l’accident è capità. «Nus eran plirs umens. Mintgin da nus, tuts, ma er nagin avess pudì, savì u stuì daventar unfrenda!» Nus visitain cun el la fossa a Gera, Thüringen, e la datscha, la chasetta da fin d’emna al lai nua che Andreas Reichhardt giudeva ses dis libers, ils fritgs da sia greva lavur en Svizra.