† Beppe Liuzzo

«Cun lavurar en in tunnel èsi sco cun fimar cigarettas», di Beppe Liuzzo dus onns avant sia mort. «Ins entschaiva per spass e lura na san ins betg pli chalar.»

Laschar ir video «Beppe Liuzzo»

Beppe Liuzzo

4:56 min, dals 30.5.2016

Suenter in lung temp sin il plazzal da construcziun a Bodio va il Sicilian a Faido, anc pli profund en la stretgadad da las muntognas, el ch’aveva giudì a chasa la vastezza da la mar.

Ses figl Matteo ha oz 19 onns e viva cun la mamma a Naso. «Mes bab n’ha betg dastgà refusar l'offerta da la Svizra, cun mo 1'000 euros il mais na saveva el numnadamain strusch trair vi sia famiglia.»

Davart ils privels da sia lavur sut terra scheva Beppe Liuzzo: «Sche tut va bain, lura na ta fas gnanc mal il det pitschen. Sch’i fora dentant, lura fai fitg mal.» Il zercladur 2012 era la lavur privlusa en il tunnel terminada, cur ch’el è crudà giu d’ina puntanada sin il plazzal da construcziun a Faido.