Siglir tar il cuntegn
Inhalt

Gottard 2016 - las unfrendas † Hans Gammel

Il Tudestg Hans Gammel era staziunà a Faido ed era là responsabel per las construcziuns internas dal tunnel da basa dal Gottard. Ina da sias incumbensas era da manar visitaders en il tunnel e da procurar per lur segirezza.

Legende: Video Hans Gammel abspielen. Laufzeit 04:02 Minuten.
Or da RTR dals 17.05.2016.

«Quai era il cas bunamain mintg’emna, ch’in u l’auter team fascheva ina visita en il tunnel. Quai n’era nagut spezial.» di ses ami e schefmanader da construcziun Peter Rudigier.

Ils 24 da zercladur 2010 accumpogna Hans Gammel in team da televisiun da RTS (Radio Télévision Suisse) en il tunnel. Cun las lavurs da filmar na datti nagins problems.

Cun turnar or dal tunnel na sa senta in commember dal team da construcziun betg bain. Hans Gammel avra la porta dal tren per laschar entrar in zichel aria frestga en il vagun. Tuttenina vegn el stratg or dal tren en viadi. Il schurnalist da televisiun Raphaël Engel ha guardà en quest mument ad el en ils egls: «El n’è betg crudà, perquai ch’el era malattent. Forsa pendeva ora la lampa u il func ed el è restà pendì.» Memia tard per agid per l’um maridà e bab.