† Jacques Du Plooy

Cun il job en Svizra è sa realisà in siemi per Jacques Du Plooy. L’African dal Sid è vegnì ensemen cun ses bab il 1999 a Sedrun en la gallaria d’ina profunditad dad 800 meters. A sia mamma aveva el ditg cun prender cumià: «Igl è privlus, jau na vi betg dir tge che jau fatsch exact.»

Laschar ir video «Jacques Du Plooy»

Jacques Du Plooy

4:13 min, dals 17.5.2016

Ils 13 da mars 2001 hai dà – tenor il rapport d’inquisiziun – ina cumbinaziun da circumstanzas disgraziadas. Jacques Du Plooy è vegnì sutterrà da material al funs da la gallaria. El aveva 23 onns. La pli giuvna unfrenda dal tunnel da basa dal Gottard.

Durant in visita a sia fossa a Johannesburg entupain nus sia mamma Cecilia Engelbrecht. Pertge el? El era uschè gugent en Svizra. E Ronel Nortje sa regorda che ses frar na vegniva mai sin visita cun mauns vits: «El aveva emplenì naiv da la Svizra en ina buttiglia e cur ch’el è arrivà qua, era quella aua. Ed el a ditg a mai: Quai è naiv! Salva quella!»