Siglir tar il cuntegn
Inhalt

Gottard 2016 - las unfrendas † Thorsten Elsemann

Sedrun, ils 23 da november 2006. Al mument da l’accident è il Tudestg Thorsten Elsemann sulet e surveglia il transport dal material stgavà. Probablamain pervi d’in disturbi banduna el lura la cabina e va vi tar ils binaris.

Legende: Video Thorsten Elsemann abspielen. Laufzeit 05:02 Minuten.
Or da RTR dals 17.05.2016.

Là vegn el tranter ina paraid d’in vagun ed ina barriera e vegn smatgà ensemen.

Il Tudestg da 30 onns era vegnì la stad 2001 cun sia dunna Silke e lur uffant da Oberhausen en il Ruhrgebiet a Sedrun. La lavur sco disponent dal chau da la gallaria n‘al plascheva betg. Sia dunna Silke sa regorda: El scheva adina, suenter Nadal na stoss jau betg pli ir a Sedrun… ed a la fin èsi era propi stà uschia, mo sut circumstanzas tragicas.

«Forsa avess el stuì dar dapli adatg», di sia dunna, «da l’autra vart, sche las mesiras da segirezza avessan gia existì sco ussa, na fissi probablamain gnanc schabegià.»