La dumengia saira hai dà a Domat ina collisiun tranter dus autos. Tschintg persunas èn vegnidas blessadas. Sco exact l'accident è capità n'è anc betg cler. Quai ha communitgà la Polizia chantunala.
L'accident è capità curt avant las 19.00. In um da 48 onns ha manà giu ses auto a Vial a sanestra sin la via principala. Latiers è el collidà cun in auter auto che charrava en direcziun da Panaduz. Ils dus manischunzs ed ils trais cunpassagiers èn vegnids blessads levamain. Trais teams d'ambulanza han dà emprim agid e transferì ils blessads en l'ospital a Glion e l'ospital chantunal a Cuira. Ils dus autos èn vegnids donnegiads dal tuttafatg.