Siglir tar il cuntegn

Header

video
Salvament da chavrielins
Or da Telesguard dals 15.09.2021.
laschar ir
cuntegn

Dronas Grond success tar il salvament da chavrielins

Il salvament da chavrielins cun dronas è er quest onn stà in success. Per la terza giada han ins duvrà la primavaira passada dronas cun cameras termicas sin grondas surfatschas agriculas per salvar ansiels-chavriel da la maschina da segar. Tut en tut hajan ins pudì salvar 476 chavrielins, ha communitgà l’Uffizi da chatscha e pestga dal Grischun. Quai èn 140 dapli che l’onn avant. Da la fin da matg fin l’entschatta da fanadur hajan ins fatg var 1’300 sgols cun 24 dronas per chattar ils animals.

audio
Adrian Arquint davart il success dal salvament dals chavrielins
00:17 min, RTR Audio dals 15.09.2021.
laschar ir. Durada: 00:17 minutas.

Ins vul era en il futur mantegnair il nivel aut. Per gudagnar dapli pilots e gidanters porschian ins era la proxima primavaira curs per perfecziunament. Pilot u pilota po mintgin daventar cun in interess per dronas e chavrielins. Malgrà tut las sfidas en connex cun la pandemia è l'interess per ils curs la primavaira passada stà grond cun 40 participants e participantas. Ils blers dals radund 190 pilots e pilotas che van baud la damaun u la saira a tschertgar chavrielins èn chatschadurs e chatschaduras.

Ord l'Archiv

audio
Curs per chattar chavrielins cun dronas 2019
03:19 min, Actualitad dals 18.03.2019.
laschar ir. Durada: 03:19 minutas.

RTR novitads 09:00

Artitgels legids il pli savens

Scrollar a sanestra Scrollar a dretga