Siglir tar il cuntegn

Ediziun speziala il zercladur Tramettai voss #muments da bike

Mintga mais tschertga RTR la pli bella foto dal mais. Sper il titel da la fotografia dal mais datti era da gudagnar in bel premi.

Il zercladur datti ina ediziun speziala: Nus rimnain #muments da bike: Tramettai fotografias da Vossas aventuras, vistas e partenarias e partenarias. Sulet criteri: Il connex cun il velo u mountainbike sto esser visibel (na munta però betg ch'il bike sto adina esser sin la foto). E betg mo ils muments han il zercladur in connex cun il mountainbike – er il premi.

Dentant pudais vus er trametter il zercladur muments che n'han da far nagut cun bike – lez van dentant en la concurrenza dal fanadur.

Voss #mument sin rtr.ch

Avrir la box Serrar la box

Tramettai Vossas pli bellas fotografias cun il hashtag #mument a social@rtr.ch – nus publitgain ellas sin noss chanals.

#muments dal matg

David Langenegger ha fatg LA fotografia dal matg. Sia foto dal Lai Nair a Tarasp ha gudagnà la concurrenza. Cordiala gratulaziun!

#muments da l'avrigl

Il pli bel #mument da l'avrigl vegn da Renato Amstad cun sia fotografia d'ina vulp – quai fitg cler cun 66% da las vuschs. Cordiala gratulaziun dal team RTR.

Dudesch mais – dudesch fotografias victuras

Mintga mais tschertga RTR la pli bella foto dal mais. Cun in zic fortuna tscherna la giuria da RTR Voss mument per il voting a la fin dal mais sin rtr.ch. Sper il titel da la fotografia dal mais datti era da gudagnar in bel premi. Pia mintga mais tschertgain nus la fotografia dal mais e regalain ina surpraisa. Data da tagl è mintgamai l'ultim venderdi dal mais. Fotografias che suondan suenter participeschan simplamain al voting dal proxim mais.

Dretgs da fotos - #muments

Avrir la box Serrar la box

Cun trametter fotografias ad RTR essas Vus d’accord che las datas da persunas vegnan duvradas en connex cun #muments. Dapli infurmaziuns chattais Vus sut https://www.rtr.ch/dretgs.

RTR resalva il dretg da betg publitgar fotografias.

RTR actualitad / Telesguard 17:40

Artitgels legids il pli savens