Siglir tar il cuntegn

Header

cuntegn

Electromobilitad Staziuns per chargiar svelt: Regenza na vesa nagin basegn d'agir

La regenza na vesa nagin basegn d’agir pertutgant staziuns per chargiar svelt autos electrics. I dettia en quest sectur in svilup dinamic, cun quai ch’i sa tractia d’ina fatschenta che rendia. Quai ha ditg il cusseglier guvernativ Mario Cavigelli en il Cussegl grond.

La dumonda è vegnida dal deputà liberaldemocratic Thomas Bigliel. El ha pretendì, ch'il chantun s'engascha per staziuns da chargiar svelt autos electrics. Per il mument dettia quellas staziuns be sper las vias naziunalas. Uschia manca a bleras valladas grischunas quella purschida, crititgescha Thomas Bigliel.

Puncto staziuns da chargiar dettia in svilup fitg dinamic, ha cusseglier guvernativ Mario Cavigelli respundì. Adina dapli staziuns da chargiar vegnian installadas dad interpresas privatas e dad interpresas da provediment d’energia. I sa tractia d’in model da fatschenta che rendia. Perquai n’existia er betg il basegn, ch’il chantun intervegnia, uschia il cusseglier guvernativ.

audio
Per tadlar: curt e cumpact
ord RTR Audio dals 16.02.2022.
laschar ir. Durada: 1 minuta 13 Secundas.

Ord l'archiv

Mario Cavigelli è in fan dad autos electrics. El ha sez in da quels autos. La primavaira passà ha el defendì la strategia dal Grischun puncto electromobilitad.

audio
Fa il chantun avunda per promover la e-autos, Mario Cavigelli?
ord Actualitad dals 13.04.2021.
laschar ir. Durada: 5 minutas 11 Secundas.

 

RTR novitads 12:00

Artitgels legids il pli savens