«Ils Franzos èn smarschuns»

Enturn ils Franzos datti in entir mantun da clichés: Els èn para smarschuns, mangian l’entir temp, èn buns en letg ed insumma ils pli romantics. Mo co vesan ils Franzos insumma sa sez? Constattan quels clichés propi u èn quai propi mo clichés che n’èn betg vairs.

Purtret da dus umens che giaudan il sulegl en in dals parcs da Paris. Bild in Lightbox öffnen.

Legenda da maletgs: Ils Franzos duain esser smarschuns. Reuters

Il cliché di ch'ils Franzos lavuran be 35 uras l'emna, han sis emnas vacanzas ad onn e cu els avessan da lavurar fan els chauma. Quella pretaisa vegn immediat snegada cun gronda indignaziun.

Quai na saja insumma betg vair èn tut ils dumandads da l'avis. Ins lavuria fitg bler, savens dapli che quellas 35 uras e na saja insumma betg marschs. Quai cun la chauma sto in u l'auter dentant laschar valair, quai saja schon insatge tipic franzos.

RR actualitad 11:00