Siglir tar il cuntegn
cuntegn

Retschertga Ils resultats da la regenza en detagl

Pertge han ils ins dapli schanzas? Tgeninas regiuns sustegnan tgenin candidat? E tge dastgan las partidas quintar? Ils detagls dal studi da Demoscope per RTR, SO e SRF.

Grafica da la retschertga da la fin da schaner.
Legenda: Tenor la retschertga da la fin da schaner fissan ils anteriurs, l'anteriura ed il cusseglier naziunal Heinz Brand en la regenza. RTR, SRF, SO

Cumbat per 5avel sez

Per il 5avel sez en la regenza grischuna datti in cumbat piz a cup tranter Heinz Brand (PPS) e Jon Domenic Parolini (PBD). Quai mussa ina retschertga che RTR, la Südostschweiz ed il schurnal regiunal da SRF han laschà far l'institut Demoscope.
35% da las votantas e votants avessan dà lur vusch a Heinz Brand, 31% a Jon Domenic Parolini. Il verdliberal Jürg Kappeler vegniss sin 16%da las vuschs.

Ils anteriurs bain en sella - ils ins dapli ch'ils auters

Dals 4 cussegliers guvernativs en uffizi paran Barbara Janom Steiner (PBD) cun 56% e Mario Cavigelli (PCD) cun 54% dad esser bain en sella. Quai avant Christian Rathgeb (PLD) cun 41% e Martin Jäger (PS) cun 40%.
Per la retschertga davart las elecziuns 2014 ha l'institut Demoscope dumandà 1'002 persunas cun dretg da votar en il Grischun. Quai dals 27 da schaner fin ils 11 da favrer 2014.

La populaziun dat notas...

Grafica cun las notas che la populaziun dat als cussegliers guvernativs en uffizi.
Legenda: La popularitad da la regenza actuala mussa en la retschertga las medemas preferientschas sco tar l'elecziun. RTR, SRF, SO