Siglir tar il cuntegn

Retschertga Parolini surpassa Brand

En la segunda unda da retschertga da l'institut Demoscope davart las elecziuns da la regenza grischuna ha il candidat burgais-democrat Jon Domenic Parolini surpassà il candidat da la partida populara svizra Heinz Brand.

Legende: Video Parolini surpassa Brand abspielen. Laufzeit 1:49 Minuten.
Dals 18.02.2015.

En l'emprima unda era Heinz Brand anc sin il 5avel plaz dals candidats per ils tschintg sez en la regenza. Quest sez vegn uss dentant occupà da Parolini. Ad el elegessan 36 pertschient dals dumondads, a Heinz Brand 33 pertschient.

Legende: Video Elecziuns regenza 18.05.2014 abspielen. Laufzeit 0:52 Minuten.
Dals 18.02.2015.

Suletta dunna survegn las bleras vuschs

A la testa da la glista sa chatta la cussegliera guvernativa burgais-democrata Barbara Janom Steiner cun 61 pertschient, suandà dal cristiandemocrat, Mario Cavigelli cun 59 %. Alura vegnan il liberaldemocrat, Christian Rathgeb cun 46 % ed il socialdemocrat Martin Jäger cun 44 %. Il candidat verd-liberal elegessan tenor la retschertga da Demoscope 18%.

Cumbat plain tensiun spetga

Demoscope fa attent dentant, ch’i saja da respectar il sbagl statistic da 3,1 puncts da pertschient. I pudess pia era esser il cas, che Heinz Brand è anc adina avant Jon Domenic Parolini. Il cumbat per il tschintgavel sez en la regenza grischuna resta pia plain tensiun.

Per la retschertga davart las elecziuns 2014 ha l'institut Demoscope dumandà 1'001 persunas cun dretg da votar en il Grischun. Quai dals 14 fin ils 26 d’avrigl 2014.

Grafica dal sustegn tenor regiuns per Heinz Brand.
Legenda: Grafica dal sustegn tenor regiuns per Heinz Brand. RTR, SRF, SO
Grafica dal sustegn tenor regiuns per Jon Domenic Parolini.
Legenda: Grafica dal sustegn tenor regiuns per Jon Domenic Parolini. RTR, SRF, SO

Il sustegn tenor regiuns per ils candidats da la regenza