Pli gugent bilateralas che iniziativa cunter immigraziun da massa

Tar la realisaziun da l'iniziativa cunter l'immigraziun da massa giavischa ina maioritad dals dumandads ina moda flexibla (45%), ulteriurs 11% èn per ina schliaziun ed interpretaziun fitg flexibla.

SSR SRG/gfs.bern, barometer d'elecziuns, 15.09. – 25.09.2014 (n=2020). Bild in Lightbox öffnen.

Legenda da maletgs: SSR SRG/gfs.bern, barometer d'elecziuns, 15.09. – 25.09.2014 (n=2020). RTR

Per la realisaziun stricta èn 14% ed ulteriurs 22% per ina moda plitost stricta. En egl dat là la posiziun accentuada dals electurs da la PPS che prefereschan per 78% da realisar l'iniziativa strictamain. Da l'autra vart ils electurs da la PS che vulan per 73% la realisaziun flexibla.

Betg periclitar las cunvegnas bilateralas

Sch'i stuess dar ina decisiun dira tranter la realisaziun da l'iniziativa cunter l'immigraziun da massa e las cunvegnas bilateralas cun l'Uniun europeica, lura croda la decisiun cleramain en favur da las bilateralas. Quai era tenor 56% dals electurs da la PPS.