Andreas Felix en la pole position

La PBD dal Grischun è a la tschertga d’in nov president u ina nova presidenta.

Andreas Felix pudess esser il favurit per il post da president da la PBD grischuna. Bild in Lightbox öffnen.

Legenda da maletgs: Andreas Felix pudess esser il favurit per il post da president da la PBD grischuna. MAD

La fin october vul la partida reglar la successiun da Jon Domenic Parolini ch’è vegnì elegì en la regenza grischuna.

Sco Bernhard «Beno» Niggli, il deputà che maina la partida ad interim, ha confermà a RTR haja la direcziun da la partida survegnì pliras annunzias per il presidi. La direcziun haja dentant in cler favurit. Niggli n’ha betg vulì discurrer da nums ha dentant fatg la remartga ch’i na saja betg casualitad che Andreas Felix saja sa retratg sco schef da fracziun. Il nov president da la PBD vegn elegì ils 30 d’october.