Bruno Claus è il nov president da partida

La partida liberal-democratica grischuna ha elegì Bruno Claus sco nov president da partida.

Purtret da Bruno W. Claus. Bild in Lightbox öffnen.

Legenda da maletgs: Bruno W. Claus. MAD

Il deputà da Cuira succeda a Michael Pfäffli. Sia emprima gronda finamira sco president da la PLD saja da gudagnar enavos in sez en il parlament federal ha ditg Claus.

Plinavant ha ils preschents decidì las parolas per las votaziuns dals 28 da settember. Cuntrari a la partida mamma di la PLD grischuna gea a la taglia sin la plivalur per la gastronomia. Senza discussiun ha la radunanza da delegads decidì cun 48 gea cunter 20 na e 3 abstenziuns da sustegnair l'iniziativa da Gastrosuisse. Era gea di la partida liberal-democratica a la lescha davart la refurma da la gulivaziun da finanzas en il chantun Grischun. Ed in cler na hai dà per l'iniziativa federala per ina cassa unitara.

(RR novitads a las 6:00)