PBD e PCD collieschan lur glistas d'elecziun

La partida burgais-democratica (PBD) e la partida cristiandemocratica (PCD) vulan s'avischinar en vista a las elecziuns 2015.

Hansjörg Hassler (PBD) e Christophe Darbellay (PCD) fan in viva cun in magiel latg. Bild in Lightbox öffnen.

Legenda da maletgs: Hansjörg Hassler (PBD) e Christophe Darbellay (PCD) fan in viva cun in magiel latg. Keystone

Quai ha ditg il schef da fracziun da la PBD e cusseglier naziunal Hansjörg Hassler en in'intervista cun la Neue Zürcher Zeitung. I na dovria dentant betg ina fusiun per legitimar ils dus sezs da la PBD e da la PCD en il cussegl federal – ina fracziun tanschia.

Per las elecziuns en in onn dettia quai en tut ils chantuns colliaziuns da glistas da las duas partidas, ha ditg Hassler. Quai per empruvar da mantegnair la quota d'electurs da 5,4 pertschient da l'onn 2011.

(RR novitads a las 07:00)