PCD tschertga anc adina candidats

Tar la Partida cristiandemocrata dal Grischun (PCD) è la finamira per las elecziuns dals 18 d'october clera: Salvar il sez da Martin Candinas en il cussegl naziunal. Per far quai dovri però ina ferma glista che rimna vuschs per Martin Candinas ch'è sisum la glista.

Martin Candinas avant il placat da la PCD Grischun. Bild in Lightbox öffnen.

Legenda da maletgs: La finamira principala da la PCD: salvar il sez da Martin Candinas en il Cussegl naziunal. RTR, L. Livers

Simpel n'èsi betg da far ina glista per las elecziuns da l’october ch'ha be la finamira da rimnar uschè bleras vuschs sco pussibel per il Cusseglier naziunal Martin Candinas, confessa il president da la fracziun da la PCD en il Cussegl grond Marcus Caduff.

Quels che sa mettian a disposiziun, hajan numnadamain nagut auter da quai ch'ina buna experientscha. Els fetschian quai per amur da la partida e per pudair salvar il sez da la partida en il Cussegl naziunal.

Malgrad ch'i n'è betg simpel da chattar candidats è Marcus Caduff optimistic che la PCD vegn ensemen cun ina ferma glista per pudair sustegnair Martin Candinas.