Siglir tar il cuntegn
cuntegn

politbox Rock Rumantsch – dapli che mo «I love you, yeah, yeah, yeah»

Ils onns 80 ha la Rumantschia vesì ina veritabla revoluziun dal rock. Entant ch’ils chantauturs pudevan anc pretender ch’els vegnian da la chanzun populara e dal chant inventà sez, eran las gruppas da rock per blers gia bunamain anarchicas.

Cler ch’il Rock existiva gia dapi lung temp, cler ch’ils «Beatles» ed ils «Rolling Stones» avevan revoluziunà la musica populara sco mai, ma rock rumantsch? Cun in tschert retard muntagnard han er ils giuvens musicists rumantschs cumenzà a far Rock e Pop cun grond success.

A partir dals onns 80 hai dà bands rumantschas ch’èn anc oz famusas. I na vegniva betg be chantà «I love you, yeah, yeah, yeah», sco tar ils Beatles. Ils texts dal rock rumantsch eran per ina gronda part critics ed engaschads.

Il 2013 ha l’emissiun «Sas anc?» anc ina giada laschà passar quest temp fascinant.

Legenda: Guardar il video «Sas anc?» – Il decenni da la musica nova e dal «rock’n roll». Durada 26:57 minutas.
Or da Cuntrasts dals 21.07.2013.