Siglir tar il cuntegn

Elecziuns 2015

Tge candidata u candidat va a prà cun Vus? La recumandaziun d’eleger da Smartvote e RTR gida vus d’eleger.

Sco electura u electur sa dumondan ins adina puspè: tge politicra u tge politicher represchenta il meglier mes maini? La resposta chattan ins forsa en programs da partida. U ch’ins emplenescha ora il questiunari da Smartvote e sa lascha silsuenter preschentar ina selecziun da candidats adattads.

Vus avais la pussaivladad da respunder 30 u 75 dumondas. Smartvote cumpareglia alura vossas respostas cun quellas da las candidatas. Uschia survegnis Vus ina glista cun politichers e partidas ch’èn il pli datiers da vossa tenuta politica.

Questa recumandaziun d’eleger pudais duvrar senza registraziun. Nus ans cusseglian dentant da registrar: uschia restan vossas respostas arcunadas. La registraziun è gratuita e vossas datas vegnan tractadas anonim.

Betg tut las candidatas e tut ils candidats sa participeschan ed empleneschan ora il questiunari, quai è facultativ. Candidats che n’han betg fatg il questiunari na cumparan betg en las recumandaziuns.