Siglir tar il cuntegn

Cussegl grond Ils socialdemocrats vulan status quo

Avant 4 onns ha la PS fatg il meglier resultat en sia istorgia. Ses 15 sezs en il Cussegl grond vul ella minimum tegnair. Gugent anc gudagnar vitiers in. La partida ha però da remplazzar chaus prominents che chalan, sco l'anteriur schef da partida Jon Pult.

Bustabs/Logo partida socialdemocrata
Legenda: RTR

En il Cussegl grond è la partida socialdemocratica cun ses 15 deputads stedi en la minoritad. Tuttina èn quels 15 mandats, recaltgads avant 4 onns, il meglier resultat en l'istorgia dalla PS grischuna. Era sche be la quarta ferma forza en il Cussegl grond, influenzescha ella la politica e metta accents. Ella cuntanscha il pievel e vegn da mobilisar. Ha per exempel terrà las votaziuns davart gieus olimpics en il Grischun e sin palancà naziunal la refurma da la taglia sin interpresas.

La missiun che la partida ha mess a sa sezza tar las elecziuns cirquitalas, da mantegnair il status quo, n'è betg la pli simpla di il politolog Clau Dermont. Tant pli ch'ins ha chaus prominents che han demissiunà. Persunas che han onns a la lunga politisà en il parlament e sa fatg in num (Jon Pult, Peter Peyer, Christina Bucher, Johannes Pfenninger, Andreas Thöny). Interessant dastgass il cumbat en il cirquit da Tavau daventar. Là emprovan ils socialdemocrats da reconquistar il sez pers avant 4 onns. E quai cun il nov president da la PS Grischuna, Philipp Wilhelm.

PS en il Cussegl grond

Personen-Box aufklappenPersonen-Box zuklappen

2010: 12 sezs

2014: 15 sezs

2018: Nominà 22 (10 veders/12 novs)

RR actualitad 08.00