Siglir tar il cuntegn

Cussegl grond Ils verd-liberals vulan fermezza da fracziun

Avant 8 onns è il Cussegl grond daventà in zichel verd-liberal. Uss vul la PVL che sia fracziun creschia da 2 sin 5 sezs. Cun Josias Gasser vul il chau verd-liberal grischun turnar sin la tribuna politica.

Bustabs/Logo partida verd-liberala
Legenda: RTR

La partida verd-liberala sa concentrescha questa giada cumplainamain sin las elecziuns cirquitalas. L'emprima giada en sia istorgia anc giuvna desistan ils verd-liberals grischuns da nominar in candidat per la regenza. Percunter ha la partida nominà 5 candidatAs per il Cussegl grond. Vul ella sco proclamà cuntanscher fermezza da fracziun, ston tut ils nominads vegnir elegids ils 10 da zercladur.

Pulit illusoric manegia il politolog Clau Dermont. Speranzas sin in terz sez po la PVL far. Quai grazia al pli prominent en sias retschas. Josias Gasser vul turnar sin la tribuna politica. Suenter ch'el è stà 4 onns en il Cussegl naziunal e n'ha avant 3 onns betg dumagnà la reelecziun, vul el uss puspè prender plaz per sia partida en il parlament grischun. En il cirquit da Cuira cumbatta Josias Gasser per in dals desiderads 20 sezs.

PVL en il Cussegl grond

Personen-Box aufklappenPersonen-Box zuklappen

2010: 2 sezs

2014: 2 sezs

2018: Nominà 5 (2 veders/3 novs)

RR actualitad 08.00