Siglir tar il cuntegn
Inhalt

Cussegl grond Per ils burgais-democrats vegni delicat

La PBD ha passa la mesadad da ses deputads en il Cussegl grond che han demissiunà e ch'ins vul remplazzar cun novs. Fertant che la partida ha tant sco nagina muntada sin palancà naziunal furman ils burgais-democrats grischuns la terz ferma partida en il parlament.

Legende: Video Kikeri6 – PBD cun Ladina Meyer abspielen. Laufzeit 03:25 Minuten.
Or da Telesguard dals 28.05.2018.

Normalmain crescha ina partida da sutensi. Tar la partida burgais-democratica è quai stà cuntrari. Ella ha cumenzà cun ina cussegliera federala, dentant senza basa. Uss che Eveline Widmer-Schlumpf è davent, pudess quai vegnir fatal. Surtut sin palancà naziunal cumbatta la PBD per surviver. Dentant era en plirs chantuns ha ella pers mandats ils ultims onns. Quest onn e l'onn che vegn cun las elecziuns naziunalas èn decisivas per la partida. Quest onn èn elecziuns chantunalas en tut ils 3 chantuns d'origin da la PBD. Berna, Glaruna e Grischun.

Cun l'affera da cartel en l'Engiadina ha la partida survegnì ina pulita frida. Ses segund candidat per la regenza, Andreas Felix, ha stuì ceder. E stgarpitschar pudess la PBD era tar las elecziuns per il Cussegl grond. Là però perquai ch'ella ha in manco da candidats, di il politolog Clau Dermont. En ils cirquits da Tavau e da Roveredo per exempel, dattan ils burgais-democrats si senza cumbat lur sez.

PBD en il Cussegl grond

Personen-Box aufklappenPersonen-Box zuklappen

2010: 26 sezs

2014: 27 sezs

2018: Nominà 33 (13 veders/20 novs)

RR actualitad 08.00