Siglir tar il cuntegn
Inhalt

Elecziuns 2018 PCD Cadi: 5 candidats per 4 posts

La Partida cristiandemocratica da la Cadi ha nominà ils candidats per las elecziuns dal Cussegl Grond ils 10 da zercladur. Sco gia il 2010 han ils delegads nominà in candidat dapli che quai ch’i dat posts.

Legende: Audio Bunura: PCD Cadi cun 5 candidats per 4 posts abspielen. Laufzeit 02:20 Minuten.
02:20 min, Actualitad dals 31.03.2018.

I saja interessant che la populaziun possia eleger tranter 5 candidats, ha il president da la PCD Cadi René Epp ditg ad RTR.

Gia il 2010 aveva la PCD Cadi nominà in candidat dapli: 6 per 5 posts. Quai aveva chaschunà malaveglia tar la persuna che n'era betg vegnida elegida. Perquai n'hajan els betg nominà pli 2014 in ulteriur candidat per las elecziuns dal Cussegl grond. Quest onn hajan els dentant discurrì pli intensivamain sur da la tematica da preschentar dapli candidats che quai ch'i dat posts. Lur candidats sajan conscients da questa procedura.

Mo ina dunna

Mo ina dunna candidescha per la Partida cristiandemocratica. Els hajan tschertgà intensivamain en mintga vischnanca en la Cadi, quai dentant senza success.

Ils 5 candidats da la PCD Cadi

  • Gabriela Tomaschett-Berther, Trun (vedra)
  • René Epp, Tujetsch (veder)
  • Clemens Berther, Mustér (fin uss suppleant)
  • Francestg Cajacob, Mustér (fin uss suppleant)
  • Diego Deplazes, Sumvitg (nov)

Suppleants

  • Fabian Collenberg, Sumvitg (veder)
  • Flurina Bundi, Trun (nova)
  • La PCD Cadi tschertga anc 2 ulteriurs candidats

Cirquit da Rueun

  • Maurus Tomaschett, Breil (veder)

Suppleant

  • Sievi Sgier, Andiast (veder)

RR actualitad 08:00