Siglir tar il cuntegn

Elecziuns 2018 «Quai è tipic cumbat electoral»

Magari ina sgnocca dapli, forsa in zic pli bler attenziun ubain er dapli incumbensas e dumondas – en l'ultima sessiun avant las elecziuns sa cumportan deputadas e deputads magari in zic auter, u betg?

Legende: Video Ura da dumondas en il Cussegl Grond abspielen. Laufzeit 2:44 Minuten.
Or da Telesguard dals 17.04.2018.

Massa dumondas, gronda canera e magari blers deputads en ils sulers enstagl sin la sutga en sala. Quai mussa: Igl è l'ultima sessiun dal Cussegl grond avant las elecziuns grischunas.

Quels che vulan vegnir reelegids, lezs èn magari pli activs e gnervus en quella sessiun.
Autur: Vitus DermontDeputà PCD (na candidescha betg pli)

L'ura da dumondas è cumbat electoral pur

Il pli bain vesaivel è il fatg che las elecziuns stattan avant porta, en l'ura da dumondas. Quai conferman deputadas e deputads da pliras partidas envers RTR.

En tut 22 dumondas èn vegnidas inoltradas questa sessiun a la regenza – 10 èn uschiglio la media. Quai mussa ina statistica che RTR ha fatg:

Dumondas inoltradas en l'ura da dumondas 2007 - 2017

0708091011121314151617
3546331943376562665566

U ditg auter: Oz han deputadas e deputads fatg in terz tantas dumondas sco l'entir onn passà.

Dumondas inoltradas en l'ura da dumondas durant las sessiuns 2017

favrer
avrigl
zercladuravustoctoberdecember
719811714

Cun rument en sala

E lura èsi natiralmain era da vesair che in u l'auter deputà sa metta dapli en scena en quella sessiun, saja quai cun forsa far ina giada ina sgnocca dapli, ubain cun prender schizunt requisits en il parlament. Sco per exempel Beat Deplazes che ha per ses pled derschì in satg rument da plastic sin maisa – el ha gì success, betg cun sia incumbensa per rimnar material sintetic, mabain cun survegnir attenziun, ina fotografia dad el è oz en la gasetta – e qua.

Tgi discurra qua?

Ch'ils ins èn pli activs e discurran dapli durant la sessiun è normal. Savens han per exempel schefs da fracziun u represchentants da las cumissiuns il pled. En l'ultima sessiun avant las elecziuns èn dentant era d'udir vuschs main enconuschentas.

Oz han per part persunas discurrì che na din uschiglio nagut.
Autur: Christina Bucher-BriniDeputada PS (e pli veglia deputada en uffizi)

Las elecziuns per la regenza ed il Cussegl grond han lieu ils 10 da zercladur 2018.

RR actualitad 12:00