Siglir tar il cuntegn

Regenza Andreas Felix resta candidat per la regenza

Andreas Felix resta candidat da la PBD per la regenza grischuna ed er mainafatschenta da l'uniun dals impressaris grischuns – uschia ha Felix communitgà durant la conferenza da medias.

Andreas Felix.
Legenda: El resta en sias posiziuns sco candidat da la regenza e president da l'uniun. Keystone

L'avantmezdi ha Andreas Felix communitgà ch'el restia candidat sco er mainagestiun da l'uniun dals impressaris. L'uniun ha bain dà tiers d'avair organisà las presesidas – da las cunvegnas che sajan vegnidas fatgas durant las sesidas, n'hajan els però savì nagut.

A mai èsi mai vegnì endament da metter en dumonda mia candidatura.
Autur: Andreas FelixCandidat da la PBD

Ed er la Partida burgais-democratica sustegna vinavant Andreas Felix sco ses candidat per la regenza grischuna. Felix saja adina stà loial envers la partida, uschia il manader dal cumbat electoral, Gian Michael che discurra d'ina campagna cunter la partida.

Andreas Felix e l'uniun dals impressaris èn sut squitsch pervia da la sentenzia actuala da la WEKO en connex cun cunvegnas tar la branscha da construcziun en l'Engiadina. L'uniun ha bain dà tiers d'avair organisà las presesidas da las cunvegnas, ella na saja però betg stada da la partida e n'haja savì da nagut.

RR novitads 12:00