Siglir tar il cuntegn

Elecziuns Reacziuns da las partidas davart la nova situaziun en il cumbat

Suenter che Andreas Felix è sa retratg sco candidat per la regenza, ha il cumbat electoral survegnì ina nova dimensiun. La PBD perda in sez en la regenza. Sche la participaziun è bassa, sche èsi pussaivel ch'i dat in segund scrutini. Sulet la PLD fa gia uss ponderaziuns davart in segund scrutini.

Ils sis candidats restants.
Legenda: Tge partida che profita da la terrada per la PBD vegn decis ils 10 da zercladur. RTR

Schi dess in segund scrutini lura fissi necessari da studegiar bain, sch'ins vuless preschentar anc in candidat, uschia Vera Stiffler da la Partida liberal-democratica. Ella prognostitgescha dentant er che blers votants mettan in cedel vit en l'urna.

Jau sper sin ina buna participaziun ed in fair cumbat electoral, er uss suenter quella deplorabla affera.
Autur: Silvia Casuttvicepresidenta PCD

La vicepresidenta da la Partida cristian-democratica, Silvia Casutt, na pensa anc betg vid l'opziun d'in segund scrutini. Era suenter la retratga dad Andreas Felix dettia anc avunda candidats, pia sis candidats per tschintg sezs en la regenza.

«Nagina reclama per politica», di la PS

L'entira affera enturn Andreas Felix na fetschia insumma betg buna reclama per la politica, uschia Philipp Wilhelm da la Partida socialdemocratica.

PPS betg cuntanschibel

La Partida populara svizra dal Grischun n'è betg stada cuntanschibla per respunder la dumonda tgi che pudess profitar da la retratga da l'anteriur candidat Andreas Felix.

RR actualitad 07:00