L’onn 2021 va plaunsieu a fin e cun l’emissiun da Silvester en il Radio RTR ruschnais vus sco in toc pischada en ina chazzetta chauda en l’onn nov 2022. En l’auto, a chasa u en chamona – ils moderaturs Lukas Quinter ed Elias Tsoutsaios accumpognan vus cun in bun mix da musica davent da las 20:00 tras la notg, uschia che la saira vegn en mintga cas in gaudi. In program fulminant spetga vus cun revistas, previstas, hits musicals, «outtakes» dal radio e gieus cun super premis. As participai!
Salids e giavischs da musica
Avais Vus insatgi che Vus vulais giavischar in bun onn nov? Lura avais la chaschun da far quai via l’emissiun da Silvester. Gugent prendan ils moderaturs Lukas Quinter ed Elias Tsoutsaios encunter Voss salid e giavisch da musica – quai gist live en il studio (0800 20 25 30) u via Whatsapp sin il nummer 079 200 70 07.