La Repower ha realisà l'emprim mez onn in gudogn da gruppa da 42 milliuns francs. Il concern d'energia grischun valitescha quest resultat sco solid.
El saja mo lev sut quel da l'onn passà. Ils bass pretschs per l'electricitad durant l'emprim lockdown dal 2020 hajan gì cun retard effect sin l'emrprim semester dal 2021.
En l'emprim semester ha la Repower investì radund 125 milliuns francs. Da quai èn bun 42 milliuns vegnids investids en la Svizra respectivamain en il Grischun. Bun 8 milliuns èn vegnids investids en las raits electricas. Era per il segund semester quinta la Repower cun in resultat solid.