Siglir tar il cuntegn

Header

cuntegn

Ems Chemie Svieuta creschida per passa 30%

En ils emprims 9 mais da l’onn è la svieuta da la Ems Chemie creschida per 30,5% sin 1,691 milliardas francs. Quai cumpareglià cun l’onn avant. E la svieuta en il 3. quartal è stada pli gronda che quella avant la pandemia.

Sco l'interpresa scriva saja l'economia mundiala puspè sa revegnida suenter che la pandemia è sa quietada. Quai haja gì in effect positiv sin la vendita. Vinavant dettia dentant problems cun las chadainas da furniziun, nua ch'igl ha vinavant stretgas, sur tut tar la producziun d'industria. En l'industria d'autos dettia vinavant memia paucs chips. La stgarsezza tar las materias primas e la logistica sco er il provediment d'energia auzan ils custs da producziun da las interpresas ed uschia creschan ils pretschs per consuments.

Plinavant haja la Ems Chemie dentant pudì realisar bleras fatschentas novas. Ins haja er durant la pandemia investì en svilup e projects d'amplificaziun. Per l’entir onn 2021 quinta la Ems Chemie vinavant cun ina svieuta pli gronda che l’onn avant.

Ord l'archiv:

video
Era per la gruppa EMS è l’onn 2020 stà main bun che usità
Or da Telesguard dals 12.02.2021.
abspielen. Laufzeit 2 minutas 16 Sekunden.

RTR novitads 07:00

Artitgels legids il pli savens

Scrollar a sanestra Scrollar a dretga