-
Bild 1 von 4. Ils seniors giaudan la cumpagnia in cun l'auter. Bildquelle: RTR, GIAN CARLO CANDINAS.
-
Bild 2 von 4. En il center stat dentant la cumpagnia. Bildquelle: RTR, GAN CARLO CANDINAS.
-
Bild 3 von 4. La sentupada ha adina lieu giudim Putz avant in clavau. Bildquelle: RTR, GIAN CARLO CANDINAS.
-
Bild 4 von 4. Paul Nebel è l'organisatur dal lotto. Bildquelle: RTR, GIAN CARLO CANDINAS.
Il mardi vegn emplenì or ensemen las cifras da lotto ad «Unterputz»
Intgins abitants da «Unterputz» han ina tradiziun in zic speziala. Mintga mardi da mesa las dudesch sa scuntran intgins dals abitants per emplenir ora ensemen las cifras per dar «Euromillions». Il schef ed organisatur da l'entira chaussa è l'um da 79 onns, Paul Nebel. El fa statistica e documentescha tut las scuntradas. Fin oz n'haja dentant nagin da Putz tratg la gronda summa, raquinta el.
La speranza che insatgi da nus gudogna in di en il lotto mora sco davos.
En il center na stat dentant betg il giugar lotto. I giaja oravant tut per la cumpagnia, raquintan las persunas preschentas. Il bler sajan els tranter 4 e 7 persunas. Els baivian in ensemen e discurrian in zic davart quai che curra e passa.
La ruina Castels – il star dal vitg
-
Bild 1 von 5. Ueli Thöny enconuscha la ruina Castels sco strusch in auter. Bildquelle: RTR, Gian Carlo Candinas.
-
Bild 2 von 5. La ruina è vegnida construida en il 13avel tschientaner. Bildquelle: RTR, Gian Carlo Candinas.
-
Bild 3 von 5. Sin quest plaz da la ruina ha lieu da glindesdi da Pasca tradiziunalmain il «Eierputscha». Bildquelle: RTR, Gian Carlo Candinas.
-
Bild 4 von 5. L'entrada da la ruina Castels. Bildquelle: RTR, Gian Carlo Candinas.
-
Bild 5 von 5. La ruina Castels è ina ruina dal 13avel tschientaner. Bildquelle: RTR, Gian Carlo Candinas.
Cunquai ch'i na dat a Putz nagina stizun e dapi intgins onns era nagina ustaria, saja la ruina Castels vegnida in zic il lieu da sentupada per ils abitants da Putz, raquinta Ueli Thöny. El è scolast pensiunà ed abità gia dapi il 1980 en il vitget en Partenz. E la ruina enconuscha strusch insatgi uschè bain sco el. El discurra gugent da l'istorgia dal star dal vitg.
La ruina Castels è schon in zic noss lieu da scuntrada a Putz.
Ueli Thöny è dentant era losch che la ruina vegn anc oz magari duvrada per eveniments. Per concerts, per teaters e da glindesdi da Pasca èsi tradiziun ch'il «Eierputscha» ha lieu. In gieu nua ch'i vegn guardà tgi che ha il pli ferm ov da Pasca.
RR actualitad 12:00