Expo Milano 2015

A l'exposiziun mundiala 2015 a Milaun sa preschenta il Grischun ensemen cun ils chantuns dal Gottard, Tessin, Uri e Vallais en il pavillon svizzer, il "Padiglione Svizzero". Sper l'exposiziun communabla "Acqua per l'Europa" porscha il Grischun era diversas occurrenzas.

bajetg cun grondas fassadas da vaider, bajetg svizzer a l'exposiziun munidala Bild in Lightbox öffnen.

Legenda da maletgs: Il pavillon svizzer a Milaun, ils 29 da schaner 2015 è stada la festa da ventschida. Keystone, Praesenz Schweiz

Dals 1. da matg fin ils 31. d'october 2015 è a Milaun l'exposiziun mundiala davar il tema "nutrir il planet, energia per la vita". La finamira principala da l'engaschi grischun è ch'il chantun vegn percepì sco vischin simpatic cun gronda valur per il temp liber, d'ina italianità viva ed cundiziuns generalas optimalas per l'economia.

Il manader dal project da la preschientscha grischuna è Markus J. Haltiner. El po era quintar cun il sustegn da l'anteriur cusseglier guvernativ Claudio Lardi.

Dis grischuns a l'expo

Dals 8 fin ils 11 da zercladur sco era dals 1 fin ils 5 d'october stat la tribuna, l'auditori e l'event-lounge dal pavillon svizzer a disposiziun al Grischun. Lura vegn offrì ina plattafurma per ils represchentants grischuns da turissem, economia e cultura. Il zercladur datti ina preschentaziun communabla da las destinaziuns Engiadina/San Murezzan, Bregaglia/Engiadina, Valposchiavo, Viamala e San Bernardino/Mesolcina/Calanca.

Ensemen cun il Parc Naziunal Svizzer PNS preschentan ellas l'exposiziun interactiva davart il giubileum da 100 onns PNS.