Siglir tar il cuntegn
Inhalt

Expo Milano 2015 La pulenta en il center

Cafè, maila, aua e sal - quai èn las mangiativas che furman il pavigliun svizzer a l'Expo mundiala a Milaun. Questa stat sut il motto: «nutrir il planet, energia per la vita». RTR metta la pulenta en il center.

Legende: Video Il cuschinier Manuel Reichenbach prepara il plat per la pulenta finida. abspielen. Laufzeit 02:16 Minuten.
Or da RTR dals 08.06.2015.

La pulenta tutga tar la tradiziun culinarica da las regiuns muntagnardas e cumbinescha/collia uschè il Grischun e l’Italia. La pulenta è er ina vivonda «mundiala».

La pulenta en la padella

Il cuschinier da Trun, Manuel Reichenbach (scuverta 2014 da Gault Millau), ha creà aposta per RTR ina pulenta cun las ingredienzas «svizras» da l’EXPO. Cuschanar ina pulenta cun aua e sal n'è nagin striegn. E pulenta en cumbinaziun cun maila han ins forsa era fingià vis. Ma co vegn il cafè en la pulenta?

Per far quai dovra il cuschinier versà ina metoda in pau pli cumplitgada. El fimenta numnadamain la pulenta cul cafè. Cun variantas alternativas mussa Manuel Reichenbach dentant, ch'ì va era pli simpel.