Avant la communicaziun da la gievgia avevi dà speculaziuns ch’il president da la banca da notas Mario Draghi veglia dar emprims tschegns da vulair auzar il tschains directiv.
EZB na dà betg (anc) suenter a la pressiun
Al cumenzament da zercladur aveva la EZB dat emprims tschegns precauts en quella direcziun: Lura aveva Draghi ditg, ch’ils ristgs da creschida per il spazi da l’euro sajan «per gronda part gulivads» empè da «drizzads vers aval».
La politica anti-crisa da l'EZB
Cun blers raps bunmartgads prova l’EZB dapi onns, da far chommas a la conjunctura ed a la chareschia. La banca centrala vul cuntanscher ina stabilitad da pretsch tar ina rata d’inflaziun gist sut 2,0%, dalunsch avunda dal punct da 0,0%.
Cun quai ch’ils temps dad ina rata d’inflaziun datiers da null èn al mument passads, crescha la pressiun sin ils schefs da la valuta europeica, da finir cun lur curs anti-crisa ed augmentar puspè il tschains directiv.
Ils proxims pass èn da spetgar tenor ils economs il pli adura en la proxima sesida da l’EZB in settember.
RR novitads 15:00
