En connex cun il scandal da svapurs sto il producent d’autos Volkswagen indemnisar radund 80’000 possessurs d’autos cun in motor da diesel en ils Stadis Unids. Ina dretgira ha definitivamain approvà ina enclegientscha correspundenta.
VW era gia sa cunvegnì cun autoritads e privats da pajar 1,2 milliardas dollars.
Er approvada è ina enclegientscha cun il furnitur dad autos Bosch. El sto pajar 327,5 milliuns dollars. Ils accusaders rinfatschan a Bosch dad esser stà activamain involvì tar la manipulaziun da valurs da svapurs.
