Il primminister David Cameron ha annunzià ch'ils servetschs secrets duain survegnir 15 % dapli persunal. La raschun sajan las attatgas a Paris, dentant era l'attatga sin in hotel en la Tunesia la stad passada. En tut duain ils servetschs secrets britannics survegnir 1'900 plazzas supplementaras.
Pli grond augment d'expensas en sectur da segirezza dapi 2005
Plinavant vegnan las expensas per la segirezza dal traffic aviatic dublegiadas ils proxims 5 onns. Tenor la gasetta «The Guardian» sa tracti dal pli grond augment d’expensas en il sectur da segirezza dapi las attatgas a Londra l’onn 2005. Lura eran vegnan mazzadas 56 persunas tras attatgas da suicidi durant la rush-hour.
Er en Germania ha la regenza augmentà il persunal dals servetschs secrets per tschients plazzas, sco che la «Bild am Sonntag» aveva rapporta.
RR novitads 7:00
