Siglir tar il cuntegn

Exteriur 1 milliarda € per la protecziun dal clima

La fatschenta da mobilas svedaisas Ikea vul investir en projects per la protecziun dal clima ina milliarda euros.

logo ikea vida parait - davanttiers ina consumenta
Legenda: Il concern svedais IKEA investescha en mesiras per proteger il clima. Reuters

400 milliuns euros duajan ir a famiglias e gruppas ch'èn pertutgads il pli fitg da la midada dal clima, quai ha annunzia la fundaziun da l’Ikea. Ils ulteriurs 600 milliuns euros duain vegnir nizzegiads per promover energias regenerablas. La midada dal clima saja ina da las pli grondas sfidas globalas scriva la fundaziun.

Il concern haja dapi il 2009 investì en bleras turbinas da vent e cundrizs solars, ha ditg il president da l'IKEA Peter Anefjäll. La finamira saja d'esser independents da l'energia producida d'auters - e producir sez uschè bler energia, sco quai che la firma dovria.

RR novitads 20:00