Siglir tar il cuntegn

Header

Las ruinas suenter il terratrembel a Haiti.
Legenda: Sur 250’000 dachasas èn vegnids destruì. Keystone
cuntegn

10 onns terratrembel Haiti La Chadaina da fortuna ha pudì gidar

Priska Spörri da la Chadaina da fortuna, raquintà da la situaziun precara a Haiti, causa las tensiuns politicas, ma era dals 91 projects d’agid gartegiads.

Sur 300’000 persunas èn mortas pervi da quest terratrembel e 3,2 milliuns carstgauns èn stads pertutgads da la catastrofa.

Sinaquai ha la populaziun Svizra fatg donaziuns da passa 66 milliuns francs per l'agid a Haiti. La Chadaina da fortuna ha investì quels daners en 91 projects d’agid. Per exempel en agid d’urgenza, mesiras preventivas per cas da catastrofas e 65% en la reconstrucziun.

Situaziun actuala a Haiti

Haiti ha mumentan da batter cun problems politics che lain era enavos ses fastizs negativs en l’economia. Tenor Priska Spörri na saja la situaziun actuala a Haiti betg simpla. betg be per ils indigens, ma era per las ovras d’agid partenarias. Igl è fitg malsegir pervia da las demonstraziuns e las tensiuns. Massa vias èn bloccadas e la glieud na vul betg pli ir ora sin via, di Priska Spörri. Ella leva ir cun la Chadaina da fortuna il November passà a Haiti per gidar, ma ord motivs da segirezza n’èn els lura betg ids.

Analisa d’influenza - in pèr resultats

La Chadaina da fortuna ha laschà intercurir, tge effect che ses agid ha gì en il Haiti: 525 chasadas èn vegnidas dumandadas, igl ha dà 52 discussiuns da gruppa ed 87 intervistas. Silsuenter han 26 scienziads analisà las datas:

  • 100% dals albierts che la Chadaina da fortuna ha finanzià èn ecologics
  • 95% dals dumandads che han survegnì in nov dachasa vivan anc adina là
  • 84% dals dumandads sa sentan protegids da privels dal clima
  • 58% da las chasadas han absolvì ina scolaziun

Ord l'archiv:

video
Terratrembel a Haiti
Or da Minisguard dals 16.01.2010.
laschar ir

RTR actualitad 07:00

Artitgels legids il pli savens

Scrollar a sanestra Scrollar a dretga