Siglir tar il cuntegn

Header

audio
Mezdi: Fellini avess 100 onns
Or da Actualitad dals 20.01.2020.
laschar ir. Durada: 02:00 minutas.
cuntegn

100 onns Federico Fellini In dals pli gronds cineasts dal mund da film europeic

Federico Fellini è enconuschent per ses films sco «La dolce vita», «8 1/2» ed «Amarcord». El ha gudagnà massa Oscars ed è stà nominà per numerus premis da film. In sguard en sia vita.

Federico Fellini è naschì 1920 a Rimini en l’Italia. Suenter il gimnasi è el lura ì a Roma ed ha lavurà sco schurnalist e caricaturist. Enfin ch’el ha emprendì d’enconuscher il grond reschissur Roberto Rosselini. Davent da là ha el lavurà per lez e scrit scripts e fatg assistent da reschia.

Federico Fellini e sia dunna Giulietta Masina.
Legenda: Federico Fellini cun sia dunna l'actura Giulietta Masina. Keystone

Pli tard ha Federico Fellini lura lavurà vid agens films cun ils quals el aveva savens grond success.

Sper massa nominaziuns per ils Oscars ed auters premis da film ha el era savens gudagnà quels.

Ses motiv principal - las dunnas

Schegea che Federico Fellini haja, tenor critichers da film, ses agen unic stil da film e che mintga film saja uschè individual (saja quai neorealistic u surrealistic), na possian ins betg discurrer dad in tipic stil.

In motiv che vegn dentant avant en mintga film èn las dunnas e lur relaziuns cun ils umens. Federico Fellini ch’era sez maridà cun l’actura Giulietta Masina ha ditg che las dunnas sajan sia inspiraziun per ses films.

Uschia ch'el ha l'entschatta d'in film adina malegià furmas femininas - u co el ha ditg en ses linguatg avert, tgils e sains.

Sias ovras - in extract

  • I vitelloni (1953)
  • La strada (1954)
  • La dolce vita (1960)
  • 8 1/2 (1963)
  • Fellinis Satyricon (1969)
  • Amarcord (1973)
  • Ginger e Fred (1986)
  • La voce della luna (1990)

RTR actualitad 12:00

Artitgels legids il pli savens

Ir a sanester Ir a dretg