Tar in accident da tren datiers da Rendsburg, en il bundesland Schleswig Holstein hai dà 11 blessads. Trais da quellas persunas èn vegnidas blessadas grevamain ed ina da quellas ha stuì vegnir transportada cun helicopter en in ospital. La polizia a Kiel era l'emprim ida or da quai che 20 persunas sajan vegnidas blessadas.
La mesemna a bun'ura era in camiun collidà cun in tren tar in passadi da viafier. Pertge ch'il camiun sa chattava sin il perrun n'è anc betg cler. Il manischunz haja curt avant l'accident anc pudì siglir or dal camiun ed ir en segirtad. Il tren saja siglì per part ord ils binaris, ha declerà in pledader da la polizia.
RR novitads 08:00