Siglir tar il cuntegn

Exteriur 118 milliuns euros per America Latina

L’Uniun europeica vul promover il svilup economic en l’America Latina cun 118 milliuns euros, communitgescha la Cumissiun da l’UE.

La bandiera da l'UE davant il bajetg da la Cumissiun da l'UE.
Legenda: L'inscunter da stadis e regenzas da l'Europa, da l'America Latina e da la Caribica ha lieu a Brüssel. Keystone

Ils daners duain cunzunt vegnir duvrads per schlargiar las investiziuns europeicas en la regiun. Plinavant vul l’UE meglierar la collavuraziun economica.

Secturs da transport e d'energia profiteschan

Spezialmain las branschas da transport e d’energia profiteschian da las investiziuns. Interpresas pitschnas e mesaunas duain survegnir access a martgads internaziunals.

Inscunter per discutar relaziuns commerzialas

Dapli che 40 schefs da stadi e regenza da l’Europa, da l’America Latina e da la Caribica discuteschan la mesemna e gievgia a Brüssel. In dals temas è tranter auter il schlargiament da las relaziuns commerzialas in cun l’auter.

RR novitads 16:00