Siglir tar il cuntegn
Inhalt

Exteriur 13 morts suenter sajettim a California

In um ha mazzà 12 persunas en ina bar a California. Tar ils mort tutgia er in policist ch'è stà sco emprim al lieu dal delict. El è vegnì mazzà entras plirs sajetts. L'um che ha sajettà è era mort. Passa in tozzel persunas èn vegnidas blessadas per part grevamain.

Purtret d'in policist ed in auto da pumpiers davostier.
Legenda: A Thousand Oaks en California ha in um sajettà enturn en ina bar. 12 persunas ha el mazzà. Keystone

Il suentermezdi (temp local) haja l'um cumenzà a sajettar sin ils giasts en la bar «Borderline Bar &Grill» a Thousand Oaks. En il local è ina festa da Country gist stada en gir. Tenor perditgas al lieu sajan tschients persunas stadas en il local.

Davart la descripziun da l'um van las infurmaziuns da las perditgas in ord l'auter. Ils ins hajan descrit el sco ina persuna da l'ost, ils auters sco alb. Davart il resti che l'um ha purtà hajan tuts dentant discurrì da vestgadira stgira e che sia fatscha saja per part stada cuverta.

RR novitads 14:00