Trais attentaders avevian in pass franzos. Blers da quels che hajan contribuì a l'organisaziun e realisaziun da las attatgas n'eran dentant anc betg enconuschents al servetsch Franzos. Quai ha Cazeneuve ditg e punctuà ch'i dovria controllas sistematicas e coordinadas en la zona da l'UE. La Frantscha avevi gia pretendì quai pliras giadas ils ultims mais.
Tar ina razzia da la polizia en la Belgia, ha quella arrestà en tut 7 persunas en il quartier Molenbeek da Brüssel, sco la presidenta dal lieu ha ditg. En tge connex ch'ellas stettian precis cun las attatgas a Paris, n'ha ella betg tradì.
Fatgs:
- Almain 132 persunas èn mortas, 349 èn blessadas, 42 èn anc sin la staziun intensiva
- La Frantscha sgola attatgas intensivas sin posiziuns da l'IS en Siria
- Tranter ils blessads è er ina Svizra
- Identifitgà 103 da las unfrendas
- Chattà segund auto dals attentaders
- Polizia da la Belgia arrestescha 7 persunas en il quartier Molenbeek
- Cusseglier federal Ueli Maurer avertescha da privel da terror pli grond er en Svizra
- Il secretari general da la NATO avertescha da discurrer d'ina «guerra da religiun»
- La Germania rinforza il cumbat cunter il terror
- En Belgia vala entant il pli aut stgalim d'alarm