Legenda:
Gronda tristezia suenter l'attatga terroristica sin la redacziun da Charlie Hebdo il schaner.
Keystone
cuntegn
Exteriur - 138 schurnalists mazzads quest onn
Quest onn èn 138 schurnalists vegnids mazzads en 31 pajais, quai scriva l'organisaziun nunguvernamentala PEC en ses rapport annual. Ils blers sajan mort durant attatgas terroristicas ubain durant acziuns da guerra. Il cas il pli enconuschent è stà l'attatga sin la redacziun da Charlie Hebdo.
Il pajais il pli privlus per schurnalists era dentant la Siria. Là èn mort 11 schurnalists. En l'Irac ed il Mexico èn mintgamain 10 schurnalists mort enten far lur lavur. Tenor l'organisaziun PEC cuntinuescha la violenza envers schurnalists. Ils ultims quatter onns sajan stads ils pli mortals dals davos 10 onns.
L'organisaziun PEC ha cumenzà il 2006 a dumbrar las unfrendas. Dapi lura èn 1'177 schurnalists mort, quai èn en media dus per emna.
