Exteriur - 14 morts tar attatga dals Taliban sin hotel a Kabul
En l’Afghanistan s'augmenta il dumber d'unfrendas da l'attatga dals Taliban da mesemna sin 14. Quai annunzian la missiun da las Naziuns Unidas en l’Afghanistan e la polizia dal pajais. Ils Taliban radical-islamics surpiglian la responsabladad per l'attatga.
Tranter las unfrendas sa chattian 4 persunas da l'India, in Talian ed in American. 7 ulteriurs persunas èn vegnidas blessadas.
3 attatgaders eran penetrads sin l'areal d'in hotel, suenter 7 uras aveva la polizia gì sut controlla la situaziun. La responsabladad per l'attatga han ils Taliban radical-islamics surpiglià. Els hajan gì en mira ina festa visitada da persunas impurtantas e da Americans, han ils extremists communitgà.
