Siglir tar il cuntegn

Header

video
Inundaziuns en India pervi d'in glatscher ch'è crudà
Or da Tagesschau dals 07.02.2021.
laschar ir. Durada: 36 Secundas.
cuntegn

15 morts Glatscher en India ha chaschunà inundaziun

En il Himalaya è in glatscher rut giu ed ha chaschunà in’inundaziun andetga en il nord da l’India. Là sajan almain 15 persunas mortas e passa 160 vegnidas blessadas. Ultra da quai valian radund 200 persunas sco sparidas. Radund 400 schuldads sajan en acziun en las valladas isoladas. Quai ha communitgà la protecziun naziunala per cas da catastrofas. La tschertga cuntinueschia anc fin dus dis.

Ina part dal glatscher è glischnada en in rempar ed ha mess en moviment ina lavina da glera ed aua la fin d’emna. Tschintg punts sajan vegnidas stratgas davent e duas ovras electricas sco er vias sajan destruidas.

En questa regiun muntagnarda datti adina puspè disgrazias. En spezial tar la plievgia da monsun il 2013 èn mortas 6'000 persunas.

RTR novitads 11:00

Artitgels legids il pli savens