Siglir tar il cuntegn

Header

Navigaziun

Purtret da la Luftwaffe tudestga.
Legenda: Il turists tudestgs vegnan transportads a chasa cun in aviun militar da la Germania. Reuters
cuntegn

Exteriur 15 Tudestgs blessads a Madeira vegnan transportads a chasa

In aviun da l'armada tudestga duai sgular a chasa ils Tudestgs blessads da l'accident da bus a Madeira. La bun'ura è quel sa mess sin viadi.

Sonda bun'ura è l'airbus da l'armada tudestga sa mess en viadi per il Portugal. El duai sgular a chasa las unfrendas da l'accident da bus a Madeira, ha communitgà il militar. Fin venderdi eran anc 16 blessads en l'ospital. 15 pon turnar, in na po betg sgular per motivs da segirezza, quai ha rapportà l'agentura da novitads tudestgas.

Mesemna era in bus cun turists tudestgs vegnì giu da la via e crudà d'ina spunda giu. 29 persunas èn mortas. Sco raschun probabla vala ch'ils frains hajan desditg, resultats d'investigaziuns na datti dentant anc betg.

Medis giudizials han entant serrà giu las autopsias vid las 29 unfrendas da l'accident. En il decurs da la sonda vegnian anc spetgadas actas cun improntas dals dets e datas dal dentist spetgadas. Quellas duain pussibilitar l'identificaziun definitiva da las unfrendas. Cura ch'i vegn infurmà davart las identitads exactas da las unfrendas n'è anc betg cler.

RR novitads 10:00