Siglir tar il cuntegn
cuntegn

Exteriur 155 milliardas dollars per catastrofas natiralas

Las catastrofas natiralas da quest onn han schaschunà sin l'entir mund donns da var 155 milliardas dollars. Qua tenor il re-assicurader Swiss Re.

Purtret dal logo da Swiss Re.
Legenda: 155 milliardas dollars hajan las catastrofas natiralas custà. Keystone

Tras stemprads, undas da chalira, sitgiras, terratrembels u inundaziuns han quest onn passa 11'000 persunas pers lur vita u valan sco sparidas. Las pli bleras unfrendas, cun radund 3'500 persunas hai dà pervi dal terratrembel a Sulawesi. Tenor Swiss Re èn ils donns però stads pli pitschens che l’onn avant. Quai perquai che quest onn n’haja betg dà singuls eveniments uschè desastrus sco ils huricans Harvey, Irma u Maria.

Cumpareglià cun l'onn avant èn ils custs dentant sa reducids marcantamain. L’onn passà avevi dà donns da 350 milliardas dollars. La media dals ultims 10 onns giascha tar 71 milliardas dollars, scrivan ils experts da Swiss Re.

RR novitads 17:00