Tar ils 16 blessads en l'ospital sa tractia da 14 Tudestgs e 2 Portugais. Tar l'accident eran er il manischunz ed il guid da viadi vegnids blessads, omadus èn indigens. Il manischunz haja la polizia anc betg pudì interrogar.
Mesemna saira era in bus vegnì giu da la via a Caniço sin l'insla Madeira. Il bus è lura crudà giu d'ina spunda sin ina chasa. Ils abitants da la chasa n'èn betg stads là cura che l'accident è capità. Tar l'accident èn morts 29 persunas. La raschun per l'accident n'è anc betg sclerida.
Oriund eran 28 blessads vegnids transportads en l'ospital. In pazient saja mort là. Numerus auters han pudì bandunar l'ospital.
RR novitads 11:00